Kaya Korean restaurant

韓國食物唔單止平民化嘅炸雞同啤酒，仲有韓國燒烤一直廣受香港嘅飲食男女喜愛。如何在芸芸韓國燒烤店中跑出，相信只有在環境食物同服務方面著手。嗰日我就去在一間用心經營嘅韓燒店，環境方面裝修精緻，座位寬敞舒適，通風良好;食物方面就用上高級食材，帶出地道風味;服務殷勤細心，好到有啲唔意思。

1

枱面爐具明亮光潔

1

座位寬敞 空間感足

我地點左一個A套餐，包括一個韓式沙律、泡菜、烤特級牛肋骨、烤雞肉、秘制燒豬頸肉、什錦石頭飯、鮮盆及雪糕，價值638大元。韓式沙律同泡菜辣辣地好開胃。

2

沙律辣辣地 泡菜夠醒胃

韓燒緊係唔少得前菜，有我最愛嘅甜味薯仔同麻醬菠菜，正呀。

2

多款配菜提升味覺 減輕油膩感

到主角出場嘞，服務員會即席將原件牛肋骨喺你面去骨分體，切成小塊。佢地仲適時出現替我地服務，添茶同清理枱面，態度殷勤

2

服務員態度殷勤

上等牛肋骨用特製醬汁醃過，十分入味，燒起來香甜之中帶淡淡油香，肉嫩多汁，滋味難忘。

3

牛肉嫩滑 入味可口 透出淡淡油香

秘製烤豬頸肉，十分惹味，秘製汁醬令味道得以提升，而且份量頗多。

2

惹味得黎 好大碟

服務員會即席將呢窩材料豐富嘅石頭飯拌勻

2

材料豐富 專人現炒 熱辣辣

呢間韓燒店可愛之處，就係其他配菜方面一絲不苟。佢地除左前菜之外，仲會附上青辣椒、蒜頭同韓式燒烤醬，食出地道風味。客人仲可以加錢加個蔬菜籃，裏面有羅馬生菜、青瓜、紅蘿蔔同紫蘇葉，用傳統方式細味韓燒，清新調和不油不膩。

2

青瓜紫蘇葉生菜紅蘿蔔加燒肉醬係絶配

2

跟餐水果及雪糕

來之前以為呢間韓燒店做團購，食物同服務都"打折"奉上，點知食品同服務都絶不欺場。今次真係物超所值，實是一次愉快嘅韓食之旅。