西貢越南真味 (Closed)

呢間位於油麻地越南餐廳啲野食好正宗，抵食又大份。打開餐牌，見到有好多越南菜可以選擇。今次點左好多野食，包括扎肉撈檬、越式粉包、燒鯖魚、蝦滑秋葵。扎肉撈檬加左啲撈檬汁，酸酸甜甜咁，好開胃。越式粉包平時比較少見，入面包左札肉、豬肉碎、木耳、甘筍、馬啼等，好豐富。蝦滑秋葵感覺好健康。飲品方面，越南特級滴滴咖啡好香濃，將咖啡磨成粉再加熱水滴漏，有香濃既咖啡香，加入煉奶攪勻一齊飲，正。仲有好fresh又鮮甜既椰青。