麻辣派對 (瑞生酒店) (Closed)

之前有個四川既同事知道我中意食辣野，特登介紹我一間味道好地道，佢次次食親都叫定多兩份打包，拎反屋企食幾日咁話，就係我今日食呢間麻辣派對。呢度主菜有水煮魚，雞煲，豬手鍋等等，今日我就揀左食辣豬手。除左主食，下面仲可以自由加輔料，食咩都可以加入去一齊煮架。件豬手一放入口，我立即明白點解我同事會咁中意黎呢度食。個醬汁真係好香辣，夠味道。份量又夠大，1鍋3-4個人食都夠。豬手處理得好乾淨，好入味，件件都有滿滿既骨膠原，真係要食多幾件。今次我加左肥腸，一個價錢就食到麻辣豬手同干鍋肥腸，真係超抵。如果覺得唔夠辣佢仲有支魔鬼辣粉，我自己就唔敢試喇。兩個人食完一大煲豬手，仲叫多左入打包反屋企食，因為呢度食辣實在太正了。