鐵花村 (愛群商業中心)

Open Now

Now Closed

今次去咗屋企附近食台灣菜，餐廳牆壁上寫滿台灣各處的景點名稱，天花仲掛滿了天燈，頓時以為自己身處台灣。芋頭湯米粉湯底加入了芋蓉，湯頭比較濃稠，新竹米粉軟硬適中，十分掛湯，仲有幾粒炸過嘅芋頭同貢丸，整個口腔都充滿芋頭香氣。瓜仔肉飯米飯用了珍珠米加藜麥煮成，感覺比較健康，肉碎加上瓜仔粒，味道帶微酸，越食越開胃。椒鹽甜不辣套餐追加半份甜不辣，炸得好夠火喉，食落煙韌彈牙。關山臭豆腐臭豆腐即叫即炸，夠曬熱辣辣，入口酥脆，綜合煎綜合煎到十分香口，配料有蚵仔、大蝦、雞蛋和蔥花，再加入木薯粉，口感煙靭。五寶刨冰五寶冰有仙草、芋圓、紅豆、珍珠同埋芋頭，大大一碗，份量十足。刨冰加咗黑糖和煉奶調味，清甜不膩。