小胖台灣便當 (德立大廈)

Open Now

Now Closed

如果想簡單食個晚餐，我通常鍾意食呢間台灣便當，除咗有地道台灣鐵路便當，仲有傳統夜市小食同埋創新小食，而家尖沙咀分店仲提供蛋餅添，下次都要試吓。我裝埋小胖會員app儲積分，食得多獎得愈多，仲會不定時提供不同折扣嘅優惠券。蜜汁烤雞扒滷肉便當雞扒外皮金黃微焦，內部肉質鮮嫩多汁，少少蜜汁甜甜地好食。配菜除咗有小棠菜，仲有粉絲、蛋、貢丸、粟米、雲耳同埋黃芽白，再加上滷肉伴飯超級豐富。台灣鐵路大排骨滷肉便當豬排肉質軟嫩，經醃製後烤至外皮金黃，有淡淡的黑胡椒香味，滷肉肥而不膩，兩款肉類的配搭，口感好好。配菜係一樣嘅，同樣係超級豐富，呢個便當夠晒份量。鹽酥雞我哋仲加咗一個小食，唔好睇佢細細個紙碗，其實有好多件，鹽酥雞調味啱啱好炸得金黃香脆，好香口，裏面嘅雞肉鮮嫩，唔會炸到乾噌噌。最後我同老公飲埋杯台式飲品，熱冬瓜茶同埋柑橘檸檬寒天，食得超滿足，簡單又好食嘅一餐晚餐。