帶我去左屋企附近新開呢間中式餐館
可能新開關係，人唔多，唔洗等位。
我地order左幾樣大路點心試一試
鳳爪排骨飯 / 大點
欣賞飯同排骨分開，飯唔會太濕。
蟹籽燒賣皇 2隻 / $16
上枱好夠熱，不過不失。
梓軒蝦餃皇 2隻 / $16
上枱都好夠熱，不過不失，唯一係覺得蝦餃皮有點厚。
鮮竹牛肉球 / 小點
牛肉球無咩特別，大大粒，不過不失。
黑椒金錢肚 / 大點
我好喜歡食金錢肚，特別係好淋既牛肚，佢地既牛肚就係好淋果種，黑椒味適當，好入味，好好食
懷舊馬拉糕 / 小點
呢款一層層馬拉糕就算去到中式酒樓都未必有得食，食到中間竟然食到少少椰絲，令到馬拉糕更覺得有咬口。
蠔皇鮮竹卷 / 中點
呢個鮮竹卷皮太硬，而且餡料唔多，略嫌偷工減料。
呢間新中式餐館我欣賞的地方係佢地沖茶會用泡茶袋，唔怕飲茶飲埋茶葉！
最後兩個人埋單$152，價錢還可以。
分享大家餐牌
