壽司郎 (Closed)

終於食到壽司廊啦！！！！walk in 苦等三個鐘，終於可以入去食，好多款式嘅壽司提供，但唯一美中不足係冇刺身，咁每樣都試下，彌補返苦等嘅時間。首先，推介一下茄子壽司，估唔到茄子都可以配壽司。呢個組合幾特別，暖暖地又幾好蜆肉烏冬好食，蜆冇沙，鮮甜，個湯仲可以飲埋，甜蝦壽司好鮮甜好大隻，一件壽司六隻甜蝦，天婦羅炸物，係即炸，熱辣辣脆卜卜呢個時勢仲可以食到咁高質嘅壽司，仲要最平$12碟，物超所值，好似去咗一轉日本，仲慳返機票！