Ocio (積存街) (Closed)

難得開返晚市，即刻同男朋友落樓食返餐。今日揀咗大圍OCIO，其實呢一間餐廳都唔係第一次食，上一次主要寫甜品，今次就評論一下佢嘅主食。甘筍湯超級大碗，係平時餐湯嘅兩倍份量，飲落去軟綿綿的，湯裏面仲有甘筍嘅粒粒，表示真係真材實料！（餐廳嘅黑胡椒超級重味）蜜糖蒜香炸雞翼超級推介嘅小食，跟餐加$39就有5隻，性價比超高。每隻雞翼都好多肉，雞皮好脆，配上充足嘅蜜糖，唔會太油膩之餘，火喉仲啱啱好，好離骨，面頭上嘅炸蒜粒都相當惹味，正！香草鮮露芛花蚌炒扁意粉扁意粉口感一流，不太淋身，而且所有配料所帶有嘅甜味都滲透左落每一條嘅意粉裏面，而且意粉裏面既蚌都非常之多。朱古力布朗尼窩夫都係忍唔住想叫一個甜品食下，所以揀咗窩夫，一嚟到比我想像中大份，滿滿嘅朱古力醬同麥鋪平面嘅布朗尼，切果下已經感覺到好煙韌，食落更加係，感覺似係加咗麻薯落去添啊。不過食完個感覺仲係覺得唔夠朱古力味～熱檸檬薑茶食得咁飽，梗係要解一解油膩啦，呢間餐廳配左薑茶茶包加鮮檸檬，飲落好清新，暖冧冧。題外話：超級欣賞餐廳餐牌上嘅插畫同設計！