琴日夜晚沖去尖沙咀呢間「紅雞冰廳」，本來淨係想隨便hea餐tea，點知成餐勁過癮，食到個肚凸凸都仲想食多啲！🤰🏻
一坐低個眼鏡哥哥已經笑住行過嚟，態度超nice，推介menu嗰陣仲會講邊樣係近期最hit嘅款，記單又快手，全程貼心到痹，夜晚嚟呢度食嘢連心情都變好晒💯！
今次叫咗幾樣招牌嘢，每款都驚喜滿滿：
✅ 雞脾套餐
雞脾炸到外層脆卜卜，咬開入面juicy到汁都biu出嚟🍗！有得揀沙律或者薯條或者春捲或者薯餅，薯餅香口鬆化，配埋凍紅豆冰，個甜度啱啱好，消暑又夠晒爽～
✅ 百搭 滷水雞翼套餐
滷水雞翼鹵得超入味，連骨頭都想吮埋晒啲汁🤤！沙律新鮮脆嫩，凍檸檬利賓納夠晒refreshing，呢個set真係抵到無朋友！
✅ 焗菠蘿豬扒飯套餐
菠蘿甜酸開胃，豬扒厚身又juicy，焗到個cheese微微焦香，撈埋白飯食真係停唔到口🍍🧀！
✅ 鐵板什扒套餐
呢個真係「大件夾抵食」嘅天花板！火腿+腸仔+煙肉+肉眼扒+雞扒堆到滿瀉，鐵板上台仲「滋啦」聲響，肉質嫩到唔洗用力咬，配埋蒜茸汁簡直係肉食獸嘅福音🥩！仲跟嘢飲跟湯跟埋丹麥多士，叫左龍鳳七喜，中湯料多到似足老火靚湯，飲完好暖身～
總結：呢間紅雞冰廳真係尖沙咀隱世寶藏！食物水準高、份量勁足，仲有個眼鏡哥哥service咁好，夜晚嚟hea餐真係chill到痹😎！一定要試埋佢哋個丹麥多士，又係另一個驚喜～
