花圖 (Closed)

偶然收工在OpenRice搵吓Gateway附近有咩好食，搵到呢間花圖，睇啲相好似唔錯，又幾多正評就打去訂枱。訂咗6.45pm，叫咗兩位tasting menu，諗住可以食餐好，點知。。。 食物賣相好靚，打卡一流，但係味道唔太好食，好多裝飾係冇味，或者有陣油益味。唔理啲裝飾淨係個主菜，味道都OK嘅，不過唔會有咩驚喜。本來餐廳靜靜哋，點個越夜越多人，啲人迫埋一個樓底好矮嘅地方，嘈到爆。啲嘢食越上越慢。一開始仲keep到食完一道上一道，去到中間已經係每道菜隔15-20分鐘。要求餐廳盡快上晒啲菜，因為好嘈，結果淨係最尾個甜品都係等咗22分鐘。佢上個文思豆腐花，咁我係明白呢個甜品要時間整，但係味道真係好普通，薑湯味。建議嚟打卡叫少少嘢食吹吓水，唔建議認真當fine dining食。