Tai Hing

今晚黃色暴雨，好多地方大雨之外仲要落雹，打爛哂啲商場玻璃，本來打算去又一城同媽媽食飯，好彩最後去返屋企附近搵食。
因為想食蒸魚，但得兩個人所以最後去咗太古城附近太康樓嘅太興。叫咗冬菇蒸龍躉球，蒜蓉炒菜心 同楊州炒飯。

醬油好味，魚亦新鮮，蒸嘅時間剛剛好

份量充足，菜亦新鮮，只係油多咗啲

用料充足，叉燒同蝦都有返咁上下份量，味道不錯但可以肯定飯並非隔夜，口感略軟及黏埋一齊，差一點點

值得一提，呢間分店樓面地方寬敞兼且樓底特高，座位亦舒服有別其它分店，落本裝修讓食客舒服用餐，抵贊！
埋單 $210 ，價錢公道，如果同另一大集團翠華比較，呢間太興舒服同感覺企理好多。