稻埕飯店 (V Point) (Closed)

星期日晚上本來諗住早啲去時代廣場食個早飯，但係6:15好多餐廳已經排長龍，我們一家三口唯有轉戰登龍街。老婆見到有一間台灣餐廳，我同佢諗住入去試吓，當落到餐廳發現仲有好多座位就知道可能一係太貴一係就唔係咁好食。我哋叫咗個皮蛋豆腐同埋金銀蒜泥五花白肉做前菜，我諗依兩個餸已經係全晚最好味的。之後叫咗一個鹽酥雞扒滷肉飯，基本上冇乜評語因為真係好普通，中規中矩。紅燒牛肉三寶麵，個湯完全冇味，又唔夠熱，作為紅燒牛肉麵唔講完全唔合格。員工服務態度也有待改善，因為我個女太細唔食得辣，所以我哋就問佢哋個紅燒牛肉麵辣唔辣，但係店員回覆話應該唔辣我都唔清楚。整體而言我應該唔會再去，不過到時代廣場所有餐廳都爆滿嘅時候依度咁容易咁容易有位可能就係一個解釋。