Brunch buffet食材用料新鮮，選擇，令人垂涎。新鮮生蠔入口鮮甜，帶海水鹹香，擠點檸檬汁或茄汁，細細隻可以一啖食晒🦪！凍蝦爽彈多汁，冰鎮後鮮味爆發，簡單沾醬已教人滿足🦐。餐廳中央仲有一場長枱放滿晒熱盤、沙律、同埋最有代表性嘅hummus 👍🏻
熱盤有齊牛肉、羊肉、雞肉，每一款料理都相當有水準，羊肉軟嫩又唔騷🥩。另外最推介係Turkish egg，比較少見嘅土耳其水煮蛋，蛋黃如絲滑般濃稠，拌酸奶同橄欖油，麵包沾上蛋漿🥖，食一次即刻愛上🥚。
Hummus係中東菜嘅代表，鷹嘴豆泥滑如奶油，橄欖油同香料提味，而且仲有多款口味，配新鮮麵包，外脆內軟，愈食愈上癮🥙。
甜品必試rice pudding，米粒軟糯，奶香濃郁，撒上肉桂粉同乾果，甜度剛好，停唔到口🍮。
雖然brunch buffet唔包飲品🍸，但個人推薦Fluffy mocktail清新氣泡，果香四溢；One Summer’s Day cocktail花香混酒香，順滑迷人，與地中海菜式絕配🍸。
