在 (Closed)

呢間單字一個「在」既外賣店係V Walk，地鋪黎，細細間但絕不馬虎，環境夠晒乾淨，出色！🤎沙嗲牛肉炒蛋三文治$39沙嗲牛肉原來可以整三文治，仲要好好味！啲牛肉整得好好，一啲鞋口都冇，好林身，仲好有牛肉香，充滿沙嗲汁，加埋炒蛋又係好滑，牛肉汁滲晒落啲炒蛋度，更加香更加好食，成個包嘅餡料都係軟林林，但包皮又會係脆嘅，豐富既口感，爆好食！🧡五丁花生友$39原來五香肉丁加花生醬係會咁好食，完全唔會覺得奇怪，超夾！五香肉丁本身辣辣地但豬肉都係好林嘅，而同花生醬撈埋一齊反而多咗份鹹香，同埋小小嘅甜味，啲蛋又會好滑，個口感好豐富，係好有層次嘅味道！