燧記廚房 (巧運工業大廈)

Open Now

Now Closed

今晚去觀塘接女朋友放工，佢就話收到宣傳單張，附近開咗一間新開嘅餐廳，主打家常小菜。我哋就一於去試吓，餐廳嘅位置喺OK便利店隔離條樓梯行上去。一上到去環境乾淨，亦都設有自助落單機。唯一唔滿意嘅地方就係需要等好耐，我哋等咗差唔多半個鐘先攞到個外賣，另外某啲菜式已經賣晒。例如我哋最想食嘅三色蒸水蛋，竟然賣晒感到有啲失望。西蘭花炒牛肉 呢個套餐值得推介西蘭花新鮮爽甜，牛肉一啲都唔UM，值得推介。醬爆雞丁 雞肉係雪藏嘅雞肉，但以呢個價錢來講，已經覺得係超值，唯一唔鍾意嘅係太多醬汁以及太油。總括來講，呢間餐廳主打家常小菜，全部都係一啲簡單嘅菜式，價錢亦都十分之抵食。