三家村水產 (Closed)

一直都沒有機會試呢一間三家村水產，今次終於有機會試到。餐廳地方唔算十分大，望住海邊嘅枱得兩三張，咁好彩啱有客走，於是有機會坐到望海既枱。去到當然要試下啲磯燒海鮮，海鮮種類好多，有平有貴，今次試咗一桶燒日本蠔，勁大隻嘅帆立貝，新鮮北寄貝刺身，燒雞泡魚干，清酒煮花甲，燒鮑魚，海鮮粥，燒牛舌，燒蘆筍豚肉卷。燒日本蠔最抵食，$68 一桶大約有八隻，燒海鮮嘅時候都加任何調味，所以味道比較清淡，但就食得到海鮮嘅鮮味。除咗燒海鮮，燒牛舌同埋燒蘆筍豚肉卷都很好吃，但感覺串燒類比較貴。鮮北寄貝刺身非常爽甜，海鮮粥則一般，沒有預期嘅鮮甜。邊間三家村水產雖然地點唔就腳，但環境氣氛都唔錯，已磯燒海鮮來講價錢都唔算十分貴，仲可以自己帶酒去，免開瓶費。