築地番本日式放題 (Closed)

今晚放工又去食放題喇，是次去咗旺角通菜街一間叫做築地番本日式放題食，我同另外三個同事，一行四人。去到之後，店員話除咗食放題之外，仲可以有磯燒食，我哋聽到後都好興奮啊！食磯燒之前，先食下刺身先，大大碟三文魚、帶子、榮螺同象拔蚌，好新鮮，好鮮甜！有大大隻清酒煮蜆，好香清酒味；有送酒一流嘅脆卜卜炸雞軟骨；嫌肥膩咗小小，可以食番個蟹肉沙律。我要讚下佢呢度嘅手卷，紫菜好脆，呢個軟殼蟹手卷，軟殼蟹又多又脆，絕對可以同大型連鎖店比下去！好甜嘅燒菠蘿，真係不得了，咬落去好多汁啊！呢個汁煮牛肉好入味，又唔韌；仲有一系列嘅炸物，有炸蝦天婦羅，蟹肉天婦羅等，好香脆，又唔肥。磯燒🤤🤤🤤仲有甜品食添！