Video
Read full review
2008-07-13
13 views
二人餐 $238頭盤 (四選二)牛油果蟹肉他他 - 牛油果清新, 好適合做頭盤. 但所謂蟹肉他他就遜色了一點, 首先唔太食得到蟹肉, 而他他其實都係似薯仔沙津咁, 只係乾身d咁樣.芝士焗生蠔 - 都幾大隻幾新鮮, 芝士味啱啱好, 唔會太膩. 唔錯.餐湯 (三選二) 配蒜蓉包兩片田螺湯 - 係比較稀的忌廉湯, 但就有好濃的田螺味, 好香好味呀!洋蔥湯 - 洋蔥加埋香草, 比田螺湯杰一點, 口感就一d, 都係好好味!!主菜 (好似係八選二)牛柳配三文魚 - 份量好大wo! 塊牛柳好大件, 五成熟, 燒得啱啱好, 唔會太靱, 切出嚟無咩血水流出, 完全食到牛味! 而三文魚就加檸檬汁和蒜蓉一起煎, 煎得好靚, 味道夾得好好, 好滿意!香橙干邑立魚柳 - 香橙味好香, 用嚟送魚柳一齊食, 好好味! 魚柳亦都煎得好好.餐飲咖啡奶茶都合格, 而且好大杯, 好抵呀!甜品 (五選二)心太軟 - 細細個, 焗得唔錯, 外層蛋糕略脆又鬆軟, 入面的朱古力漿, 慢慢的流出, 甜度適中, 好好味!焗蘋果卷 - 外層焗得金黃香脆, 內裡的蘋果茸幾甜幾好味!總括, 上菜有次序, 一定要食完一道才會上第二道菜, 唔會
頭盤 (四選二)
牛油果蟹肉他他 - 牛油果清新, 好適合做頭盤. 但所謂蟹肉他他就遜色了一點, 首先唔太食得到蟹肉, 而他他其實都係似薯仔沙津咁, 只係乾身d咁樣.
芝士焗生蠔 - 都幾大隻幾新鮮, 芝士味啱啱好, 唔會太膩. 唔錯.
餐湯 (三選二) 配蒜蓉包兩片
田螺湯 - 係比較稀的忌廉湯, 但就有好濃的田螺味, 好香好味呀!
洋蔥湯 - 洋蔥加埋香草, 比田螺湯杰一點, 口感就一d, 都係好好味!!
主菜 (好似係八選二)
牛柳配三文魚 - 份量好大wo! 塊牛柳好大件, 五成熟, 燒得啱啱好, 唔會太靱, 切出嚟無咩血水流出, 完全食到牛味! 而三文魚就加檸檬汁和蒜蓉一起煎, 煎得好靚, 味道夾得好好, 好滿意!
香橙干邑立魚柳 - 香橙味好香, 用嚟送魚柳一齊食, 好好味! 魚柳亦都煎得好好.
餐飲
咖啡奶茶都合格, 而且好大杯, 好抵呀!
甜品 (五選二)
心太軟 - 細細個, 焗得唔錯, 外層蛋糕略脆又鬆軟, 入面的朱古力漿, 慢慢的流出, 甜度適中, 好好味!
焗蘋果卷 - 外層焗得金黃香脆, 內裡的蘋果茸幾甜幾好味!
總括, 上菜有次序, 一定要食完一道才會上第二道菜, 唔會亂, 服務殷勤. 而且樣樣菜都好滿意, 賣相又靚, 二人餐又好抵食, 真係食到攬住嗰肚走呀! 而且係旺角, 呢間係一間幾有心機和質素的cafe.
Post