Video
Read full review
2017-09-26
67 views
是日放工相約家人晚飯，地點選在銅鑼灣，貪其餐廳種類選擇多果然............無揀錯，我們發現了一間行懷舊風既打邊爐，感覺幾新奇下，餐廳就在登龍街永光中心，交通方便。好! 今晚就食呢間啦一打開LIFT門，就見到這個充滿懷舊氣息既招牌裡面的裝潢，擺設，餐具都充滿著7-80年代的氣息，令人覺得像回到從前一樣，回憶滿滿。檯與檯之間都算幾寬敞，令人坐得舒服，沒有壓迫感。檯底還預備了籃子，供客食放私人物品，挺貼心。而且不停播放著7-90年代的歌曲，每首歌幾乎都聽過又識唱，感覺好正啊!打邊爐又點少得混醬呢一個環節呢...........基本款式，梗有一款岩你我們一行五人，所以叫了2個2人精選套餐，揀了2個不同既湯底。1. 火瞳花膠魚肚雞湯(湯底很足料，有花膠，魚肚，雞，魚翅等等，絕不欺場丫，但本人就略嫌湯底咸左DD。這個湯底真是專為女生而設啊，很滋潤)(水滾後，店員會為食客切好雞隻，以便我們享用。)(雞都幾大隻多肉，而且肉嫩)(魚肚都幾大塊下，又爽口)2. 龍蝦鮑魚海鮮鍋 (另加$40)(同樣地，湯料好足，除又龍蝦同鮑魚，鍋裡還有帆立貝，魷魚，螺同蜆。湯底除了充滿海鮮的鮮甜味外，還有番茄底，
果然............無揀錯，我們發現了一間行懷舊風既打邊爐，感覺幾新奇下，餐廳就在登龍街永光中心，交通方便。
好! 今晚就食呢間啦
一打開LIFT門，就見到這個充滿懷舊氣息既招牌
裡面的裝潢，擺設，餐具都充滿著7-80年代的氣息，令人覺得像回到從前一樣，回憶滿滿。
檯與檯之間都算幾寬敞，令人坐得舒服，沒有壓迫感。檯底還預備了籃子，供客食放私人物品，挺貼心。
而且不停播放著7-90年代的歌曲，每首歌幾乎都聽過又識唱，感覺好正啊!
打邊爐又點少得混醬呢一個環節呢...........
基本款式，梗有一款岩你
我們一行五人，所以叫了2個2人精選套餐，揀了2個不同既湯底。
1. 火瞳花膠魚肚雞湯
(湯底很足料，有花膠，魚肚，雞，魚翅等等，絕不欺場丫，但本人就略嫌湯底咸左DD。這個湯底真是專為女生而設啊，很滋潤)
(水滾後，店員會為食客切好雞隻，以便我們享用。)
(雞都幾大隻多肉，而且肉嫩)
(魚肚都幾大塊下，又爽口)
2. 龍蝦鮑魚海鮮鍋 (另加$40)
(同樣地，湯料好足，除又龍蝦同鮑魚，鍋裡還有帆立貝，魷魚，螺同蜆。湯底除了充滿海鮮的鮮甜味外，還有番茄底，令到整鍋都好甜好有鮮味)
(幾大隻龍蝦，而且肉多厚實，充滿口感)
火鍋料舖滿檯面，大滿足啊
套餐包括:
1. 蔬菜拼盤
(種類都算多，而且新鮮翠綠，洗得乾淨。蘿白無渣又甜，正!)
2. 脆炸響鈴
(份量多，又唔油膩，我都係唔覺唔覺之下食左4,5條)
3. 蒜味香腸 + 三星蔥醬爆貢丸
( 煎味香腸就係台灣果款，甜甜地，但蒜味不太突出，但肉汁多，幾好味 ; 至於三星蔥醬爆貢丸呢，蔥味不太明顯，但貢丸彈牙，因是醬爆既關係，所以食果時要小心灼親小咀)
4. 脆炸魚骨
(其他打邊爐既食肆好少見到，所以覺得幾新奇唔油膩而且非常煙un，滾了好幾分鐘都唔淋，仍然香脆)
5. 十下三寶滑 (蝦滑，牛肉滑 & 鯪魚滑)
(蝦滑 : 本人最中意爽口彈牙，蝦滑內拌有咸蛋黃，味道幾特別)
(牛肉滑 : 肉質軟腍，沒有腥味。混入馬蹄後，更爽口)
6. 蟹肉蟹粉餃
(餃內裝有滿滿的蟹肉蟹粉，很足料，有濃濃的蟹香味)
7. 寬冬粉
(只需於鍋裡煮到呈透明，便可食用，挺爽口彈牙)
總結 : 在充滿懷舊裝潢下打邊爐，充滿回憶丫。最啱帶上長輩們，他們一定中意。
Post
