地點很容易找, 門牌亦很清晰, 每日3-6pm歡樂時光有8折, 假日行街累了, 可以上來歇一歇, 此店是開放式廚房, 樓底都幾高, 用餐後一點油煙氣味也沒有
裝修簡潔,播著80後的音樂
這裏的價格由$10-2百多元不等, 串燒種類都好多, 連小食/甜品都不止一兩款
先黎雞泡魚乾, 烤得好香, 外層少少脆, 有口感, 原有的味道是甜甜地, 沾上沙律醬味道更佳
燒大蜆(1份) 約8-9隻, 脹卜卜好多汁, 配上旁邊的生蝦汁一起食,特別醒胃
黑蚊蚊的墨魚腸都是第一次食, 賣相一般, 外層燒得好脆, 食入口好juicy, 墨魚腸內有一粒一粒墨魚粒, 增加口感
牛舌一客三件, 由於是厚切, 每一件都介開左 供客人容易入口咀嚼, 灑上黑椒粒, 充滿胡香味
粗露荀唔需要加任何調味料都可以煮得好出色,食起黎鮮嫩又清新
棉花糖薄餅, 廚房已切開四份, 基本上是一舊棉花糖食一啖, 棉花糖表面燒得好脆, 估唔到薄餅都可以咁樣配搭
這裡較特色是有手工啤酒/生啤/紙包及罐裝飲品, 下次要黎一個觀樂時光
