Video
Read full review
2017-03-18
143 views
第一次去觀塘工業區食嘢，就已經有好大嘅驚喜啦！係朋友介紹之下，就特登去咗呢度試吓deer kitchen ,位置都算幾方便，好容易搵。望到呢隻鹿就知道自己冇去錯地方啦呢個以鹿做主題嘅餐廳入面嘅佈置又點少得鹿嘅裝飾呢！入面嘅裝修都幾靚，座位又唔會迫，令人有一種好舒服嘅感覺。食物方面我哋就點左兩個 dinner set。成個set有頭盆、湯、main course、甜品同飲品。頭盤我哋叫咗黑松露意大利雲吞同埋黑魚子蟹肉手指多士。呢兩個都非常有驚喜！黑松露意大利雲吞個汁做得好出色，唔會話太杰，以味道亦相當唔錯！蟹肉多士亦好值得推介！黑魚子同埋蟹肉嘅配搭好好，多士亦都好脆。證明係好新鮮製造嘅。而我食海鮮嘅朋友都話無腥味，仲覺得好好食添！到main course 方面，我哋就點左慢煮牛柳拼鵝肝，同埋慢煮鴨髀。牛柳生熟程度啱啱好，調味亦都做得好出色，份量亦都唔少。而鵝肝亦唔錯，外面煎到有少少脆，入面就入口即溶，口感一流！鴨脾亦都係用慢煮方法，所以鴨肉好腍身，調味亦啱啱好，整體上唔錯。但我哋都係鍾意牛柳多啲！成個set有好多嘢食，質素亦都幾唔錯，環境亦都好舒適，真係一個同friend gather
呢個以鹿做主題嘅餐廳入面嘅佈置又點少得鹿嘅裝飾呢！入面嘅裝修都幾靚，座位又唔會迫，令人有一種好舒服嘅感覺。
食物方面我哋就點左兩個 dinner set。成個set有頭盆、湯、main course、甜品同飲品。
頭盤我哋叫咗黑松露意大利雲吞同埋黑魚子蟹肉手指多士。呢兩個都非常有驚喜！黑松露意大利雲吞個汁做得好出色，唔會話太杰，以味道亦相當唔錯！
蟹肉多士亦好值得推介！黑魚子同埋蟹肉嘅配搭好好，多士亦都好脆。證明係好新鮮製造嘅。而我食海鮮嘅朋友都話無腥味，仲覺得好好食添！
到main course 方面，我哋就點左慢煮牛柳拼鵝肝，同埋慢煮鴨髀。牛柳生熟程度啱啱好，調味亦都做得好出色，份量亦都唔少。而鵝肝亦唔錯，外面煎到有少少脆，入面就入口即溶，口感一流！
鴨脾亦都係用慢煮方法，所以鴨肉好腍身，調味亦啱啱好，整體上唔錯。但我哋都係鍾意牛柳多啲！
成個set有好多嘢食，質素亦都幾唔錯，環境亦都好舒適，真係一個同friend gathering 嘅好去處呀！
Post
