一起果醬 (Closed)

一個夏日晚上黎到尖沙咀呢一間以Jam為主題既cafe。餐廳以悠閒，舒適風格為主調。所以吸引小組朋友聚餐，亦不乏情侶客。田園沙律配熱情果醋汁~田園沙律之中有粒粒果肉，所以甜味倍增，感覺非常fresh~紅湯~羅宋湯以小辣既調味登場，茄味較濃。白酒忌廉煮青口~白酒忌廉汁非常出色，濃而不鹹，所以不會有膩滯感，配合本身味道不濃既青口係非常合適。溫泉蛋卡邦尼意大利粉~意粉以搶眼色彩上碟，份量不說笑，是可以四人食的。忌廉汁平均地沾上意粉，混合蛋醬一起吃，是一件美事。士多啤梨醬燒豬肋骨~份量同樣不少的這份豬肋骨，是全晚另一個焦點。豬肋骨肉燒得離骨，輕輕一咬，整片肉都撕下來，燒得非常到位。沾上的是取代燒烤汁既士多啤梨醬，甜得黎唔會搶左focus.跟餐是日甜品係士多啤梨cheese cake~濃香既芝士味 配士多啤梨醬係一個經典配搭，真的想多吃一件特調果醬紅茶~熱情果味果香非常重要，而甜度岩岩好，個人非常中意