小麻吉滷肉飯 (Closed)

上次去旺角小店小麻吉滷肉飯，覺得佢嘅滷肉好好味，就買左一d快煮包番屋企整滷肉飯同滷肉燙青菜🤭。♥️甘香滷肉快煮包（二人份200克）係真空包裝，已經調好味道，豬肉係半肥瘦嘅，食用期限有4個月左右，未用時擺嚮雪櫃冰格就得。食用方法: 好方便，鍋內放入半煲水加熱至滾，然後將成個快煮包放入水中加熱10-15分鐘。♥️滷肉燙青菜加熱快煮包時，將菠菜苗用油鹽水滾兩分鐘，然後將滷肉倒嚮菠菜苗上面。♥️滷肉飯加蛋屋企人喜歡食糙米，糙米一般纖維較多而且較硬，好容易有鞋口嘅感覺。淋上滷肉大大提升美味度，滷肉汁完全滲入飯粒間🤩，而且肥瘦相間嘅豬肉令糙米食落唔鞋口之餘口感非常煙韌。加埋粒煎蛋就大滿足☺️。