伊甸 (Closed)

好少過嚟觀塘呢邊食野，但呢日獲朋友邀請，來到一間叫「伊甸」嘅台式Cafe，感覺很舒適特別，食物亦都味道佳，價廉物美。走入「伊甸」，場內光線都十分柔和，裝潢十分整齊企理，而且有個榻榻米台階座，亦有一排望各窗景的高身檯凳，別具日式文清風，感覺和諧，好岩同朋友坐低溫馨小聚。依日我哋叫咗兩個套餐，分別係特製台式雙餸鐵路便檔，同埋白酒蒜香蛤蜊意大利麵。特製台式雙餸鐵路便當($64)，我哋主食點左台式肉燥珍珠白飯，A款餸要左南乳豬手，再要鹽酥雞扒(加$20)；B款餸要左酒槽雞中翼(兩隻)，同埋雞軟骨餃子(加$13)，甜品選紅豆仙草芋圓，附送涼拌小食及飲品，所有食品份量都恰到好處。朋友最初時擔心台式食品會好油，點知「伊甸」除左環境舒適外，食物入口亦好清新健康：台式肉燥唔會太咸，醬汁恰到好處，配珍珠白飯食一流；南乳豬手非常軟稔入味；鹽酥雞扒香脆可口；酒槽雞中翼入味味美，而雞軟骨餃子香脆又肉味濃郁，雞軟骨有咬口。整體而言，食完完全唔會覺得油膩，仲會有種小確幸的感覺。至於白酒蒜香蛤蜊意大利麵，白酒味濃，蒜香香口，蛤蜊味鮮，意大利粉扁身有咬勁，值得一試。飲品我地跟餐各自+$17，要左桂花烏龍仙草同埋荔枝烏龍