Video
Read full review
2021-08-19
385 views
飲茶文化自古響香港人眼中係傳統之事，自從茶樓以外更多既點心專門店開到成行成市個陣，夜茶就成為左一般早午飲茶以外既新選擇。作為跟隨正常辦公室時間返工既人，要歎一盅兩件既話就只能夠響晚上進行喇。九龍城入面都有唔少中式食肆，不過如果提供夜茶既餐廳真係唔多，譽滿就係其中1間喇。可能係因為夜茶既時間，店舖入面人數唔多，小編與老公都好舒服咁可能坐到4人枱，比較闊落咁享用點心；而且可能都要將就比較多老人家光顧，店鋪內既走廊都比較闊，所以人與人之間既防疫距離都會做到足。食品方面見到以蒸點為主，亦都有唔少既蒸飯，不過難得既夜茶體驗，小編與老公就決定避開蒸飯，主力試下佢地唔同既蒸點﹑炸點同甜品喇!涼拌黑木耳拼青瓜 ($19)：始終飲茶都會接觸到比較油膩既炸點，所以就以涼拌食品作為開頭。黑木耳以酸汁作為調味，配以青瓜就可以做到開胃既效果，唔錯。鮑汁花生炆鳳爪 ($32)：總共有大約5隻鳳爪。小編與老公一放鳳爪入面個刻都即刻話：「好焾呀!」鳳爪煮到非常軟身，原則上唔計雞骨外，鳳爪既皮都可以用脷就分到出黎，非常適合老人家享用；鳳爪都完全吸滿鮑汁既味道，所以偏向濃但唔會覺得咸既香味。推薦!馬蘇里拉芝士蝦春卷 ($
九龍城入面都有唔少中式食肆，不過如果提供夜茶既餐廳真係唔多，譽滿就係其中1間喇。可能係因為夜茶既時間，店舖入面人數唔多，小編與老公都好舒服咁可能坐到4人枱，比較闊落咁享用點心；而且可能都要將就比較多老人家光顧，店鋪內既走廊都比較闊，所以人與人之間既防疫距離都會做到足。
食品方面見到以蒸點為主，亦都有唔少既蒸飯，不過難得既夜茶體驗，小編與老公就決定避開蒸飯，主力試下佢地唔同既蒸點﹑炸點同甜品喇!
涼拌黑木耳拼青瓜 ($19)：始終飲茶都會接觸到比較油膩既炸點，所以就以涼拌食品作為開頭。黑木耳以酸汁作為調味，配以青瓜就可以做到開胃既效果，唔錯。
鮑汁花生炆鳳爪 ($32)：總共有大約5隻鳳爪。小編與老公一放鳳爪入面個刻都即刻話：「好焾呀!」鳳爪煮到非常軟身，原則上唔計雞骨外，鳳爪既皮都可以用脷就分到出黎，非常適合老人家享用；鳳爪都完全吸滿鮑汁既味道，所以偏向濃但唔會覺得咸既香味。推薦!
馬蘇里拉芝士蝦春卷 ($26)：蝦雖然係用上蝦膠去製作，但好處係容易卷起去炸；炸個陣似乎都係高溫炸熟所以非常脆口，不過馬蘇里拉芝士唔知係被蝦味覆蓋定其他原因，小編就真係唔係太食到芝士味，唯有當一般既春卷咁食吧。
青芥末子母蝦餃 ($28)：與店鋪另一款蝦餃「翡翠蘆筍鮮蝦餃」相比，小編見到青芥末個刻都不禁疑問究竟會唔會太辣? 但原來效果都幾得意，清清既蝦餃上有一小粒芥末，食個陣記得一啖過去食，咁你就會感受到少少辣既芥末去刺激味蕾既同時帶出蝦既鮮味。同傳統既蝦餃相比，都係一個好既嘗試!
蜜汁叉燒腸 ($22)：豉油會另上以方便你調節用量。叉燒份量幾多，小編個碟腸粉既叉燒咁岩響頭尾，變左當響中間夾開兩件以方便食個陣，就唔會因為配料唔平均而只食到腸粉。
山竹牛肉球 ($20)：小編一見到個陣都覺得牛肉好大件，而且都可以睇到牛肉唔係用完全打碎既免治牛肉去製成，所以食個陣都仲有少少牛肉粒既口感，呢個點心小編都覺得抵食而大件。
食左咁多點心後，響食甜品前都歎返杯熱茶。呢度既茶葉會預先裝響茶包內，就唔會令你飲茶個陣會飲到茶葉；小編叫左香片享用既1個鐘左右時間內，茶味仍然都保持得幾好而唔駛特登加茶葉。
原粒紅豆糕 ($20)：其實大約都係椰汁紅豆糕既感覺，但紅豆的確係原粒既同椰汁糕一齊冷凍；唔算太甜所以都適合大人小朋友食。
新疆棗皇糕 ($24)：棗皇糕係整個歎茶之夜最深刻既! 平時響酒樓食既紅棗糕一般都係以紅棗汁加糖製成，味道會偏甜；但今次既棗皇糕一來以千層糕形式夾住奶皇，令味道更豐富，而且奶皇唔算太甜情況下令口感更滿足。唯一不足只係紅棗個層會比較容易溶。
偶然夜晚俾自己休息下，歎返杯茶的確可以令自己心情可以調節下吧!
Post
