茶屋町 (長沙灣道) (Closed)

初初以為呢間茶屋町只有抹茶嘅甜品，上網一睇原來係有丼飯同埋意粉嗰啲，就同朋友入左去試下。我哋叫咗個薄燒牛肉丼同海膽松葉蟹肉意粉，飲品就要左雪糕抹茶梳打同柚子蜂蜜梳打。雪糕抹茶梳打的牛乳雪糕好滑，外面天氣咁熱飲完真係透心涼。薄燒牛肉丼一嚟到就聞到好香，賣相很不錯，啲牛肉好juicy有好有咬口，旁邊仲有小小配菜，係玉子甜番薯同埋海藻，冇咁單調。海膽意粉個味道都幾特別，另外個釀蟹蓋都幾好食，旁邊仲有個抹茶大福做飯後甜品一流。總括嚟講價錢唔算貴，CP值ok，相信好快會再嚟試埋佢啲甜品！