一起果醬 (Closed)

今晚去左一間有手工果醬嘅餐廳食晚飯，當中有唔少菜式都係用果醬入饌，幾有特式色。 餐廳位於尖沙咀，但其實近佐敦多啲啲。門口已經擺左一樽樽手工果醬，有11款咁多，好想試晒佢添。晚市有套餐供應，揀單點或者套餐都得，爭$60，多左湯、沙律、甜品。百幾至二百幾一個餐，價錢都好合理。飲品半價，我叫左杯熱Mocha$20，咖啡味同朱古力味都好夠濃，係個拉花爭少少，唔夠靚。因為個套餐冇餐包，我地叫左個牛角包配果醬$26 share食。巨型牛角包，焗到外脆內軟，好香牛油味。另外仲可以任揀一款口味嘅果醬，我地揀左芒果味，細細樽，好食又唔會太膩。田園沙律配熱情果油醋汁簡單清新，有啲果肉又有啲少甜多酸嘅油醋汁，好開胃。餐湯係蘑菇湯，味道唔錯，夠香滑，但就唔係好夠熱。慢煮極黑毛豬扒配肉桂蘋果汁(套餐$229)份量都好大碟，因為係慢煮，仲帶少粉紅色，中間大約有一成係肥膏，有啲邪惡，但又好好食，油脂好豐富。慢煮厚切安格斯西冷扒配玫瑰蘋果汁(套餐$239)有三件厚切牛肉，講真個牛味真係好濃，又煮到啱啱好，掂！兩個醬汁都用左果醬去煮，屬輕甜，唔會一味死甜，配搭肉類都幾夾。兩碟都有蘆筍、蕃茄、薯仔做配菜，均衡飲食又夠飽肚