Video
Read full review
2018-11-22
41 views
寳勒巷内食肆林立，每次行過都總會被《The Right Place》既餐廳格局吸引而望多兩眼。今次第一次同家人到《The Right Place》用膳，同店員傾起，先知道原來The Right Place係我平時去開《彌敦佐岸》既旗下品牌,，真係要認真試試喇！餐廳設有較開揚既座位區，等食客可以一邊品嘗美食，一邊欣賞街邊風景。裏面座位算寬落，仲設有大型屏幕，播放配合餐廳氣氛既音樂。餐廳面積本身唔算好大，盡量嘗試帶比食客不一樣既用餐環境，值得一讚。 家人唔愛飲酒，就試下店員推介既Ginger Season一上臺見到兩片新鮮薑片，已經知道薑味濃郁，但因爲加左菠蘿汁、檸檬汁同自製蜂蜜，所以薑味重得黎唔會話好嗆，並帶有絲絲甜味，絕對係開胃之選。入得Bar & Grill，無理由唔試下他們既Cocktail，我自己就試左Local Fashion飲品以威士忌作主調，配合龍眼干、紅棗、薑同橘皮，酒味濃烈得黎帶有龍眼同紅棗既甜味，係一杯玩味十足既飲品。 抱住樣樣都要試下既心態，同店員研究左一輪，決定順從店員推介，點了以下美食：避風塘軟殼蟹 $98仿照避風塘既煮法，一淡食落去會發現蟹肉夠juicy,
餐廳設有較開揚既座位區，等食客可以一邊品嘗美食，一邊欣賞街邊風景。
裏面座位算寬落，仲設有大型屏幕，播放配合餐廳氣氛既音樂。
餐廳面積本身唔算好大，盡量嘗試帶比食客不一樣既用餐環境，值得一讚。
家人唔愛飲酒，就試下店員推介既Ginger Season
一上臺見到兩片新鮮薑片，已經知道薑味濃郁，但因爲加左菠蘿汁、檸檬汁同自製蜂蜜，所以薑味重得黎唔會話好嗆，並帶有絲絲甜味，絕對係開胃之選。
入得Bar & Grill，無理由唔試下他們既Cocktail，我自己就試左Local Fashion
飲品以威士忌作主調，配合龍眼干、紅棗、薑同橘皮，酒味濃烈得黎帶有龍眼同紅棗既甜味，係一杯玩味十足既飲品。
抱住樣樣都要試下既心態，同店員研究左一輪，決定順從店員推介，點了以下美食：
避風塘軟殼蟹 $98
仿照避風塘既煮法，一淡食落去會發現蟹肉夠juicy, 外層炸得夠鬆脆惹味之餘又唔會覺得油膩而要不停飲水，送酒一流!
西班牙辣肉腸、花枝片、炒南瓜、法邊豆、咸蛋黃意大利飯伴輕煎北海道帶子 $198
以咸蛋黃為主調熬煮意大利飯，質地夠Creamy，並保持意大利飯應有既咬口~~~原本怕用蛋黃汁拌飯食多幾啖會好膩，但因爲加左南瓜，所以食到中間會有微微既甜味中和返膩既感覺，帶子亦夠彈牙同埋煎得夠甘香
低溫慢煮西班牙黑毛豬鞍伴油封薯條 $298
感受到餐廳係有精心挑選靚既黑毛豬鞍，切起黎見到油脂分佈平均，真係啖啖肉~~煎煮調控掌握不俗，保持到肉質既嫩滑~~~正~~
休閒既用餐環境，加上驚喜既食物質素，就這樣結成了一個愉快的用餐體驗~!
Post
