OASIS TEA

推薦去放鬆一下、休息一下、療癒一下💭

環境以木系為主，好有自然感、療癒氣氛。整體氛圍非常放鬆舒服，無限時可以慢慢坐。

主要提供輕食、甜品、茶飲。

入口位小角落擺咗文化產業相關產品如掛件、書籤、明信片、扇、鎖匙扣等。

子母壺土耳其紅茶個茶壺上枱夠晒睇頭😎

母壺煲水，子壺放茶葉，先倒入 1/3嘅茶，再加上熱水，紅茶清香甘甜，怕澀可以加粒方糖。

甜品甜醅子我第一食，員工話係甘肅傳統小食，用燕麥加酒麴發酵製作而成，有少少酒糟味同酸甜味，加燕麥有得咬下咬下又飽肚啲。