路邊煱 (Closed)

冬天最適合就係雞煲邊爐，早前住九龍旣朋友推介土瓜灣有新開張旣火煱店，為食既我地即刻就約埋班朋友去試啦。門面乾淨光猛，坐落感覺幾舒服。最正係有wifi上網，啱哂我地線上線下同時同班朋友傾計。食雞前當然要點啲餐前開胃小食：手拍青瓜個人其實麻麻地青瓜，亦對wasabi無咩好感。但呢個青瓜食落去卻好清新好fresh，同埋好爽脆，而且冷盤青瓜再加wasabi真係好開胃，鹹鹹酸酸好好味。八味豆腐外皮一啲都唔厚，而且非常脆口，一咬落去就碎開，食到既係軟熱既豆腐，而且鹹鹹地應該係椒鹽整過，難怪咁受歡迎。花雕醉雞煲食雞煲最重視就係佢個湯底夠唔夠濃同啲雞夠唔夠滑，而事實上市面好多雞煲個湯底都唔夠入味，夠入味既啲雞又會唔夠滑，兩者之間永遠好難平衡。但路邊煱成功既係濃味而滑雞，筆者同朋友甚至食完雞後唔捨得加湯，不過慶幸的是就算加湯打邊爐都仲係咁濃味，正！本地肥牛併安格斯肥牛($268)一次過滿足哂想食兩款牛既慾望，安格斯較滑較嫩，本地牛就重口感，食落去質感唔一樣但味道同樣一百分，如果份量多返少少會更滿足。鹹蛋黃墨魚丸筆者特別鍾意呢款丸，口感好特別而且味道好過癮。食丸既同時食到粒粒鹹蛋黃，絕對值得一試。Bb象拔