雲貴川風味 (譚公道)

原本想去附近食台灣牛肉麵，但係無開。老婆話附近有間麻辣米線經常都有人排隊等位，不如去試下。去到，剛好有位，唔洗等。

我叫咗個酸辣米線，小辣，魚腐，麻辣雞肉，豆卜。老婆叫咗麻辣米線，微辣，麻辣豬脯肉，鮮腐竹。仲有叫咗鴛鴦雞亦4隻。米線配酸菜，一流的夾。麻辣雞肉及麻辣豬脯肉都好味。豆卜及鮮腐竹索咗d湯，無得頂。辣度不是太辣。魚腐及雞亦就麻麻地。魚腐無味兼太淋。我好鍾意食雞亦，所以一見到有雞亦就即點，鴛鴦雞亦即係2款味，麻辣及炸醬，雞亦不夠入味而且煎得不夠乾身。

另外，因為好多人等位，食得比較趕。