🦞 上湯澳洲龍蝦伊麵
龍蝦開邊鋪滿伊麵面，肉質爽彈鮮甜，上湯芡汁輕薄唔膩，伊麵吸盡龍蝦精華，掛汁力一流！龍蝦份量足，兩個人食夠滿足。
🔥 至尊燒鵝皇 (1/4隻)
皮脆肉嫩唔肥膩，鵝肉滷香入味，蘸埋酸梅醬更醒胃！雖然只係1/4隻，但件件厚肉，水準拍得住名牌燒臘店～
🐟 晚市優惠六選一：生劏大龍躉兩味
· 翡翠油泡龍躉球：魚球啖啖肉，外層微脆，油泡火候剛好，配西蘭花清淡平衡
· 蒜子雲耳蒸龍躉頭腩：頭腩膠質豐厚，蒜子蒸完全逼出魚鮮，雲耳吸盡魚汁精華，送飯絕配！
最後仲送甜品：分別無紅豆沙同綠豆沙
原價$328而家$198，仲要係生劏龍躉，鮮度滿分！
✨ 小貼士：
• 茶芥$12/位合理，白飯$13略貴但龍躉汁撈飯值得
• 優惠選擇多，片皮鴨$98、乳鴿$22.8超殺食，下次必試！
• 假日每款加$10，但價錢依然平過市區同級酒家
環境乾淨檯與檯有距離，服務爽手無催單，街坊格局但食物有驚喜！
