🥘 <咖哩吉列厚切豬扒飯> $56
豬扒飯超級抵食🤩！咖哩汁偏香口，係傳統嘅港式茶餐廳嗰種醬汁，豬扒大份又炸得爽脆，夾埋咖哩汁食落去，送飯一流🤤🤤
<脆爆華田西多士> $39
西多士好厚身，有4大件，表面有層阿華田脆脆同煉奶，入面就有花生醬🤪阿華田迷千祈唔好錯過！不過小編覺得如果阿華田脆脆嘅份量可以再多啲咁就更加好，影相起嚟一定相當澎湃🤣
<超厚夠吋特級餐肉滑蛋治> $33
由於小編唔太食牛，所以嗌咗餐蛋治試吓～炒蛋真係成吋厚，而且餐肉分量都唔細，加埋一齊食唔會覺得過鹹，味道正好平衡咗，唔錯！
🍗<滷水豆腐雞髀飯> $52
<滷水豆腐> $15
叫咗份鹵水豆腐，點知原來雞髀飯上面都有成份係度，所以變成有兩份豆腐😆豆腐令人驚豔，滷得入味之餘又香甜😍😍不過雞髀都唔執輸🤭雞肉滷得夠入味又上色，入口亦好嫩滑，唔會覺得膩👍🏻
