Video
Read full review
2020-07-18
1864 views
在網上面睇過，幾個年青好手足，為咗理想埋班開檔，先從門面睇起一絲不苟，更顯本土情懷。今天到新蒲崗工作，一個遲來的午飯時間和同事來試一試。相信食堂牌關係，門口冇掛上大招牌，特色嘅裝修A字餐牌，店主都唔會放過，應該係自行加工貼上特色嘅磁磚仔， 不過睇佢手工佢冇做裝修揀做飲食，應該冇揀錯，大家要搵應該唔難搵得到。就係畀佢門口啲快A字牌吸引住。（唔係佢手字只係佢個牌）老香港嘅髮型屋旋轉燈管， 加上食店喺工廠區裏面 放上一啲迷你貨櫃設計嘅收銀檯，茶記裝修都落足心機。 要讚👍收銀員見我喺度影相即刻送低唔想上鏡🤣彩色繽紛嘅店舖，雖然睇得出，店主並非用些高級用料嘅裝修，但有畀人未食已經心情開朗感覺，呢啲就係全面嘅用餐體驗。 蔥油雞扒蛋飯- 雞扒明顯先煎完再焗過，並唔係一些茶記就咁放落個炸爐炸起就算數，雞扒外皮輕微焦香，可算外香脆內juicy，size亦算大塊，太陽蛋用蛋架扒爐煎至底微脆且香而圓，還流心的蛋黃再加上煮過嘅蔥油豉油汁，送飯一絕，更是我至愛。紅豆冰- 紅豆煮得比較蓉嗰隻，飲起上嚟口感雖然沒有了咬口，但反令紅豆味非常出。班蘭鮮油多- 個同事死話好肚餓，要叫多件多士share, 本來我覺得我係冇
相信食堂牌關係，門口冇掛上大招牌，特色嘅裝修A字餐牌，店主都唔會放過，應該係自行加工貼上特色嘅磁磚仔， 不過睇佢手工佢冇做裝修揀做飲食，應該冇揀錯，大家要搵應該唔難搵得到。
就係畀佢門口啲快A字牌吸引住。（唔係佢手字只係佢個牌）
老香港嘅髮型屋旋轉燈管， 加上食店喺工廠區裏面 放上一啲迷你貨櫃設計嘅收銀檯，茶記裝修都落足心機。 要讚👍
收銀員見我喺度影相即刻送低唔想上鏡🤣
彩色繽紛嘅店舖，雖然睇得出，店主並非用些高級用料嘅裝修，但有畀人未食已經心情開朗感覺，呢啲就係全面嘅用餐體驗。
蔥油雞扒蛋飯- 雞扒明顯先煎完再焗過，並唔係一些茶記就咁放落個炸爐炸起就算數，雞扒外皮輕微焦香，可算外香脆內juicy，size亦算大塊，太陽蛋用蛋架扒爐煎至底微脆且香而圓，還流心的蛋黃再加上煮過嘅蔥油豉油汁，送飯一絕，更是我至愛。
蔥油雞扒蛋飯
155 views
0 likes
0 comments
紅豆冰- 紅豆煮得比較蓉嗰隻，飲起上嚟口感雖然沒有了咬口，但反令紅豆味非常出。
紅豆冰
95 views
0 likes
0 comments
班蘭鮮油多- 個同事死話好肚餓，要叫多件多士share, 本來我覺得我係冇可能再食到，因為剛已食完成碟雞扒飯，但係班蘭醬非常香，加上薄身多士香而脆，配上鮮牛油，食起似菠蘿油的冰火感覺，就像👼天使嘅清香(班蘭蛋糕香味) 加上魔鬼邪惡😈(高膽固醇)。
班蘭咖央鮮油多
88 views
0 likes
0 comments
PS. 同事食咗個《堅沙嗲牛肉麵》我冇試到，問佢好唔好味佢話 「堅」🤣🤣🤣🤣下次都係親自試下。
食物賣相＝(滿分20) 17
食物味道＝(滿分20) 18
服務質素＝(滿分20) 16
裝修整潔＝(滿分20) 19
性價比率＝(滿分10) 8
回頭指數＝(滿分10) 8
總評分。（滿分100) 86分
Post
