新森林焗之專門店 (Moved) New Location

放工經過旺角唔知食咩好，諗起一次下晝去新森林食，都幾唔錯。係門口企左陣，見到啲野食圖片幾吸引，就決定晚餐係呢道解決。佢有二人套餐，但因為小食唔太吸引，所以無叫到。散叫可以自己加湯，同埋計番條數散叫同樣既野食係仲平。。。先黎餐湯，正常質數，餐包係牛角包，都幾鬆脆，唔錯。有三小塊焗過頭同幾肥既豬扒，面頭啲意粉都乾乾地。味道其實唔錯，但份量幾少，男仔會唔夠飽。雖然係炒飯底，但唔太好食，而且個汁無咩味，魚柳還可以。野飲叫左一杯特飲，北海道牛乳布丁紅豆冰，個牛乳布丁有點奇怪，不太好飲。水準已經不復當年，唔會再係道食焗野。