Library Restaurant and Bar

Open Now

Now Closed

呢間西式酒吧以📚圖書館為主題配有具時尚感嘅裝潢 室內以綠色為主調好有異國風情嘅感覺餐廳有室內同室外嘅座位仲有好多個具特色嘅打卡位食物同飲品嘅設計亦都好有心思每款都好𝐢𝐠𝐚𝐛𝐥𝐞📸️🔸圖書館豆腐火腩 $128睇落個名係平時茶餐廳見到嘅菜式，上菜時就見到係西式嘅做法，相當有驚喜。豬腩肉燒到啱啱好，油脂感好豐富，夾住玉子豆腐同秘製洋蔥汁一齊食相當過癮。🔸白酒忌廉煮藍青口 $168份量都幾多，澳洲大青口好新鮮，全部開哂口，肉質好肥美，味道好鮮甜。配埋忌廉汁一齊煮吸哂味，多士點汁食亦好惹味。🔸茴香豬肉腸貓耳朵粉 $148貓耳朵粉嘅硬度煮得啱啱好，每一粒都掛哂汁，非常完美。豬肉腸來自意大利，食落辣辣哋，夾埋貓意粉一齊食好正。🔸自家製脆薯仔波 $68用原隻薯仔切粒炸成，外層炸到金黃香脆，內裡嘅薯蓉好creamy，點埋茄醬食就仲好味🔸𝐁𝐨𝐨𝐤 𝐌𝐚𝐫𝐤 $𝟏𝟎𝟖連飲品名都好切合餐廳主題，喺圖書館系列。呢杯混合左荔枝、香桃、雪梨🍐、菊花在內，清甜而帶有夏日嘅氣息。🔸𝐁𝐨𝐨𝐤 𝐂𝐨𝐯𝐞𝐫 $𝟗𝟎呢杯混合左橙汁、石榴、蘿蔔、檸檬在內，感覺好健康，有檸檬🍋香氣，味道好清新，甜甜地好解渴。