幸圓 (Closed)

鰂魚涌近one Island East有幢新商業大廈，喺正電車路口好當眼。地點大約喺鰂魚涌地鐵同太古中間。有Office有人流，當然就會有食肆，見到幸圓好有日式感覺，近門口有幾張梳化位置，燈光以暖色為主。望吓Menu已經俾焗鬆餅同牛角包窩夫吸引住。煮餐牌仲有炒飯，烏冬，扁意粉，牛扒等等。決定order海鮮丼，包括牡丹蝦，三文魚，油甘魚，赤背，八爪魚，帶子。丼飯size係一人份量，另外order香煎三文魚扒配青芥辣忌廉汁，有舊Wasabi放喺Salmon上面，魚皮好脆。甜品時間喺芒果西柚芝士刨冰，上枱一個圓波波充滿芒果汁，視覺非常豐富。圓波波上面有芝士西柚肉同芒果肉，原來食到中間都仲有芝士喺入邊，另外再上芒果汁俾你慢慢添加，好吃。