富盈火鍋雞煲專門店 (Closed)

呢個星期突然凍左好多，又係時侯圍爐打邊爐取暖，任食打邊爐明碼實價任飲任食就係同朋友至愛之選。朋友帶路，打邊爐同燒野食都係收一個價錢，計落人均都係$180左右，旺區呢個價錢有任食兩種食法算好抵食！坐底先左個雞煲，要左小辣，份量好多，個汁多哂入味，雞肉唔錯入到味。食完雞煲，唔使落單點野食，包保唔會漏單同等，直接出去扲，即刻即滾。有牛肉、豬肉、雞肉、丸類同菜，基本上平時打開邊爐有得揀既呢度都有，但任食打邊爐好少有海鮮竟然呢殊會有，種類都好多下，有蝦魷魚鬍，青口，同幾新鮮。我地打邊爐同時圍爐燒埋野食，燒肉燒海鮮再燒菠蘿，燒爐隔住張紙吸油效果好，無咁油，同燒出泥既野食都脆身金黃啲D，唔錯！同場加映 ， 仲有魚生，刺身甜蝦，螺肉，中華沙律等冷盤小食， 想要熱食有湯有麥樂雞塊，有炒飯，韓式泡菜等好多小食任君選擇。嘢飲款式種類都好多，仲有雪糕都係任食。總的來說坐得好舒服， 又打邊爐又燒烤都只係$180蚊度， 食物選擇類型多同新鮮，超越性價！ 經已列入咗我哋嘅冬天爐圍之選。