BRICK LANE (圍方) (Closed)

今日嚟到大圍新開嘅商場搵嘢食，最後都係未呢一間西餐廳所吸引，見佢餐牌價格唔係好貴，選擇又多。主菜方叫左烤釀原隻野雞、龍蝦班尼迪蛋、鹹蛋軟殼蟹意大利麵。原隻雞件上枱，點上火焰，大家可以預備定手機影吓相，錄個片，切落去雞肉都幾多汁，食落去都唔算好鞋。龍蝦班尼的蛋，簡直係超水準發揮，龍蝦肉放喺鬆軟嘅麵包之上，加入咗流心蛋食落味道，好香好鮮甜 至於意大利麵，加入左鹹蛋味道適宜，軟殼蟹酥炸後咬到啖啖肉！飲品嗌咗cappuccino同埋peach tea。桃茶有陣陣桃香，飲落清清地唔會太甜。咖啡就有餐廳標誌嘅單車拉花，飲落亦都非常香口。最後甜品就嗌咗一個招牌紅絲絨蛋糕。蛋糕非常之精緻，玫瑰味突出，作為飯後甜品，簡直一流。