Video
Read full review
2019-04-14
546 views
餐廳：六合小廚 (尖沙咀)地址：尖沙咀廣東道116-120號海威商業中心7樓尖沙咀廣東道出咗名係遊客聚居嘅地方，尤其是呢度有中港城同港澳碼頭，唔少內地遊客糖過澳門嘅旅客都會經過呢一頭，加上廣東道都有唔少嘅新派菜式同樓上餐廳，亦吸引左唔少附近嘅打工仔食晏食晚飯。廣東道Apple store隔離嘅海威商業中心有唔少嘅樓上餐廳，而今個晚上就去咗7樓嘅六合小廚，呢間中菜館茶餐廳喺網上亦大受好評，所以決定嚟呢度試一試佢哋嘅撚手小菜😎同一般茶餐廳唔同嘅係呢度會有唔同嘅外國遊客同內地旅客，而最神奇嘅係餐廳店員都精通兩文三語，無論講英文定普通話都十分流利，當見到外國遊客都會嚟呢間中菜館，就知道呢間六合小廚應該有唔少嘅知名度🤓由於呢度出名嘅菜式太多，包括辣川菜、海鮮、私房菜等，另外呢度嘅蟹、牛四寶都係好多人推薦同大讚嘅菜，所以我都揀唔落手。當問老闆有咩好推介嘅時候，佢就介紹咗我試下呢度啱啱新出左半個月嘅毛血旺，大廚亦係國內嘅大飯店做過，有相當嘅經驗，所以我就試咗呢一個新菜式。六合毛血旺——辣酒煮大蝦球鍋$188毛血旺入面有大蝦球、豬紅、豬大腸、牛柏葉、墨魚鬚等。辣味可以按個人口味要求小辣大辣，迎合唔同人
地址：尖沙咀廣東道116-120號海威商業中心7樓
尖沙咀廣東道出咗名係遊客聚居嘅地方，尤其是呢度有中港城同港澳碼頭，唔少內地遊客糖過澳門嘅旅客都會經過呢一頭，加上廣東道都有唔少嘅新派菜式同樓上餐廳，亦吸引左唔少附近嘅打工仔食晏食晚飯。
廣東道Apple store隔離嘅海威商業中心有唔少嘅樓上餐廳，而今個晚上就去咗7樓嘅六合小廚，呢間中菜館茶餐廳喺網上亦大受好評，所以決定嚟呢度試一試佢哋嘅撚手小菜😎
同一般茶餐廳唔同嘅係呢度會有唔同嘅外國遊客同內地旅客，而最神奇嘅係餐廳店員都精通兩文三語，無論講英文定普通話都十分流利，當見到外國遊客都會嚟呢間中菜館，就知道呢間六合小廚應該有唔少嘅知名度🤓
由於呢度出名嘅菜式太多，包括辣川菜、海鮮、私房菜等，另外呢度嘅蟹、牛四寶都係好多人推薦同大讚嘅菜，所以我都揀唔落手。當問老闆有咩好推介嘅時候，佢就介紹咗我試下呢度啱啱新出左半個月嘅毛血旺，大廚亦係國內嘅大飯店做過，有相當嘅經驗，所以我就試咗呢一個新菜式。
六合毛血旺——辣酒煮大蝦球鍋$188
毛血旺入面有大蝦球、豬紅、豬大腸、牛柏葉、墨魚鬚等。
辣味可以按個人口味要求小辣大辣，迎合唔同人嘅需要，而我就點左正常嘅辣度，辣得嚟又唔會好麻痹到食唔落，而且湯底係餐廳大廚獨家炮製，要試呢個獨門秘方梗係要試一試呢個毛血旺喇，呢個湯底撈飯已經好正，用黎煮埋公仔麵一定一流🤤
大蝦大概有七至八舊，每一舊都已經挑走蝦腸，食落都係新鮮乾淨嘅，大蝦亦都好爽口彈牙，睇得出大廚準備材料是有落到功夫👍🏾
墨魚鬚亦都唔會好難咬開，最重要嘅係唔會好痴牙同難吞☺️豬紅唔會有血腥味，而豬大腸亦都洗得好乾淨，每一款材料都好容易入口同好易咀嚼，真係冇牙都可以食得到😂原來呢度仲歡迎打電話預約私房菜，無論你係想豪食定係食家常小菜，只要你比人數同預算，餐廳就會幫你準備餐單同食物，唔啱改到啱，無論係一大班朋友嚟食飯定同屋企人食團年飯都一樣咁方便👍🏾👍🏾👍🏾
Post
