醉胡爐 (Moved) New Location

第二次食醉胡爐，今次特登帶咗朋友過嚟實，果然冇令我失望。叫咗椰青雞鍋底，本身以為應該係現成嘅湯底，點知原來職員會係我面前炒雞，再加原隻椰青，仲點埋火，有睇頭。湯底好清甜！難得有得叫串燒食，特登叫咗幾串黎試吓。黑豚肋肉好juicy，咬落口好多汁。免治雞棒點左蛋黃之後好香口，而且雞棒質感好好，有咬口。白鱔有驚喜，夠油脂，鍾意食鱔嘅人要試試。見到有三杯嘢飲個名幾特別，「醉」、「胡」、「爐」，三杯都幾好飲，最特別係「醉」，加咗清酒，好似飲緊cocktail。火鍋配料全部都好新鮮，叫咗細既手切肥牛，都好大份，而且牛肉好靚。另外叫咗紫菜響鈴卷，睇得出唔係平時喺超級市場買到嗰種，似係自家製，食落好香口。呢度環境坐得好舒服，店員都好殷勤，有下次。