Video
Read full review
2022-10-07
538 views
上次食完Anjappar 既Dosa 一直念念不忘充滿牛油香嘅煙囪薄餅，牛油咖喱雞，想食印度菜當然一定要再嚟朝聖，又再介紹一下少少呢間印度餐廳嘅資料，Anjappar Chettinad專注炮製南北印度菜，有素食選擇亦有肉葷類，而所有肉類均屬清真肉，適合不同宗教人士品嚐。香料更是每星期由印度空運到港，香氣特別濃厚馥郁，將地道印度風味帶來香港。 🍗▪️CHICKEN LOLLY POP SAUCY $ 85醬汁雞棒棒糖，小雞腿做到好似棒棒糖一樣 ，揸住支骨就可以食到淡淡肉，雞肉外層香脆，肉好香滑，最精彩係加左大量洋蔥，蒜頭等香料造成嘅甜甜辣辣嘅醬汁，好惹味🐔▪️TANDOORI CHICKEN $ 120五香烤雞配乳酪醬 ，用鐵板放上香氣撲鼻熱辣辣嘅烤雞，伴上炒得爽脆既蔬菜，洋蔥，椰菜絲，紅蘿蔔絲，烤雞帶有大量香料味道，炒得乾身，肉質幾香滑，配上微微辣嘅乳酪醬，可以中和返濃烈香料嘅味道，好食🐏▪️ ANJAPPAR MUTTON MEAL $130羊肉拼盤，每個印度人必食既傳統套餐就可以當作一餐，有飯，有薄餅，主食（我哋點咗羊肉，素菜，多款唔同嘅醬汁，鍾意印度米飯，口感好軟熟，充滿米香，配埋
上次食完Anjappar 既Dosa 一直念念不忘充滿牛油香嘅煙囪薄餅，牛油咖喱雞，想食印度菜當然一定要再嚟朝聖，又再介紹一下少少呢間印度餐廳嘅資料，Anjappar Chettinad專注炮製南北印度菜，有素食選擇亦有肉葷類，而所有肉類均屬清真肉，適合不同宗教人士品嚐。香料更是每星期由印度空運到港，香氣特別濃厚馥郁，將地道印度風味帶來香港。
🍗▪️CHICKEN LOLLY POP SAUCY $ 85
醬汁雞棒棒糖，小雞腿做到好似棒棒糖一樣 ，揸住支骨就可以食到淡淡肉，雞肉外層香脆，肉好香滑，最精彩係加左大量洋蔥，蒜頭等香料造成嘅甜甜辣辣嘅醬汁，好惹味
🐔▪️TANDOORI CHICKEN $ 120
五香烤雞配乳酪醬 ，用鐵板放上香氣撲鼻熱辣辣嘅烤雞，伴上炒得爽脆既蔬菜，洋蔥，椰菜絲，紅蘿蔔絲，烤雞帶有大量香料味道，炒得乾身，肉質幾香滑，配上微微辣嘅乳酪醬，可以中和返濃烈香料嘅味道，好食
🐏▪️ ANJAPPAR MUTTON MEAL $130
羊肉拼盤，每個印度人必食既傳統套餐就可以當作一餐，有飯，有薄餅，主食（我哋點咗羊肉，素菜，多款唔同嘅醬汁，鍾意印度米飯，口感好軟熟，充滿米香，配埋咖喱和多款不同配料一齊食，一次過可以食到多種口味，滿足晒你對印度菜嘅慾望
🐔▪️BUTTER CHICKEN MASALA $120
牛油咖喱雞，一定要食呢個咖喱，味道帶甜甜辣辣，大量嘅香料味道，充滿牛油香，雞塊吸收左咖喱嘅味道超級濃郁，配任何薄餅都超級好食
🧈▪️ PAROTTO $70
傳統印度牛油手抓酥油餅，好酥香，充滿牛油味，香脆酥軟有層次，直接食或者點埋咖喱一齊食一樣咁好食
🥖▪️ BUTTER DOSA $ 120
就係為咗呢個Dosa 要再返嚟食，牛油薄煎餅，但我會叫佢做煙囪薄餅，大份到一個點，起碼要四個人先可以食晒，薄餅非常之薄，好香脆又煙韌嘅口感，牛油味超級香，薄餅味道帶微微甜，就咁食已經非常好食，又可配埋四種唔同嘅醬汁一齊食（薄荷醬，椰子醬，甜辣醬，印度傳統醬汁），必食推介
🥭▪️MANGO LASSI $ 35
印度芒果奶昔，印度餐當中最常飲既一款飲品，酸酸甜甜充滿牛奶芒果香，食完辣飲原來好解辣，喜歡
Post
