平成二十二日本料理 (Closed)

處處有放題店，如果要受注目，必須有特色，平成二十二的大蝦就是其殺手鐧，每枱食客皆十隻八隻咁點，而且每四人，更不定時送象拔蚌或生蠔，超值至極，怪不得OR食評笑臉不少。既來之，則吃之，果真手背大，新鮮有光澤，身長3吋，鮮甜。其他魚生亦肥美，呑拿、油甘、鯛魚、貝殼類全不放過。我的心水壽司就是火炙三文魚，天使蝦，霜降牛肉及鰻魚，這組合可試其燒功及醬汁功力，不過不失啦！鹽燒食品少有出錯，雞翼外脆內軟，牛舌香而有汁，冬菇乾了些，羊架啖啖肉。豬腸比較少店有做，可能大多數人擔心膽固醇問題，但其實肉質煙煙靱靭有特色，唔係日日食，應該無問題啲！4款小食遲到了，朝鮮八爪比較特別，唔辣啲。豆腐好滑但麻醬唔夠。宮崎牛肉烏冬簡單美味，烏冬滑身，湯汁有味道但唔太鹹。和食選咗蒜片炒牛肋骨，當然不及韓菜的牛肋骨好，但都醃得好味。放題無不飽之理，上菜時間合理，兩小時足夠，但建議還是一次多點幾款，因為8點幾另一批客入席前後服務員太忙，好像一切停頓了片刻。