Video
Read full review
2023-12-15
152 views
老人家講嘅野都係充滿智慧，所以好多時候我地都應該要聽。但係有時候其實都要加入自己個人分析。好似佢地成日叫做人唔好怕蝕底。咁你食放題嘅時候點搞呀。今日我地分享下回本之我見。 🍖 首先唔好貪平，一定要食靚啲，咁先至對得住自己個胃。黑毛和牛，油花均勻，肉味香濃，得到我個胃嘅批淮，我就埋位啦。前菜不得了，喺黑毛和牛西冷，邊有咁犯規架，一黎就出皇牌，仲有專人幫你燒，一放落個爐度，油份即刻捲起火焰，賞心悅目，而且非常治癒，味道好，其實都唔洗特別講。 🍖跟住仲有和牛里脊肉，牛肋肉，牛肉眼，牛肉角切，割切方法唔同，油份比例唔同，肉香程度唔同，咀嚼口感唔同，美味可口一樣。 🍖但係和牛始終喺和牛，油份會令人好快有飽腻感覺。哩個時候就要善用餐牌上面各種各樣嘅選擇，引開自己個胃既注意力。我個人嘅重點推介就係紫菜溫泉蛋飯。你冇聽錯，唔好以為飯就係飽肚，佢一方面吸收左油份，另一方面中和左油膩感。我仲叫左和牛壽司，因為係刺身牛，冇用火燒過，更加加重左返璞歸真嘅感覺。 🍖當然我仲有其他板斧，韓式泡菜，海帶湯，黑鬆露帶子，味道比較濃重，絕對會引開味蕾既警覺性。尾二一招喺以牛制牛，用油份唔高嘅牛脷，再一次欺騙個胃。但係講
🍖 首先唔好貪平，一定要食靚啲，咁先至對得住自己個胃。黑毛和牛，油花均勻，肉味香濃，得到我個胃嘅批淮，我就埋位啦。前菜不得了，喺黑毛和牛西冷，邊有咁犯規架，一黎就出皇牌，仲有專人幫你燒，一放落個爐度，油份即刻捲起火焰，賞心悅目，而且非常治癒，味道好，其實都唔洗特別講。
🍖跟住仲有和牛里脊肉，牛肋肉，牛肉眼，牛肉角切，割切方法唔同，油份比例唔同，肉香程度唔同，咀嚼口感唔同，美味可口一樣。
🍖但係和牛始終喺和牛，油份會令人好快有飽腻感覺。哩個時候就要善用餐牌上面各種各樣嘅選擇，引開自己個胃既注意力。我個人嘅重點推介就係紫菜溫泉蛋飯。你冇聽錯，唔好以為飯就係飽肚，佢一方面吸收左油份，另一方面中和左油膩感。我仲叫左和牛壽司，因為係刺身牛，冇用火燒過，更加加重左返璞歸真嘅感覺。
🍖當然我仲有其他板斧，韓式泡菜，海帶湯，黑鬆露帶子，味道比較濃重，絕對會引開味蕾既警覺性。尾二一招喺以牛制牛，用油份唔高嘅牛脷，再一次欺騙個胃。但係講真，個牛脷其實真心正。加埋大量嘅蔥同埋蒜，味美歡笑。
🍺✨️最後一招就係啤酒，我冇補充啦。
Post
