一樂日本料理 (Closed)

最近除咗酒店自助餐之外，仲興起日式放題！ 我就最喜歡一班朋友，可以按自己心水去選擇唔同嘅食物，盡情任叫任食，埋單都有預算，永冇 out budget!同埋感覺冇中式菜咁焗促，可自由活動！不過水準就好參差，有啲只可以話食得飽， 全無水準可言 ！上星期有朋友生日，我哋就去咗一樂試試……感覺好有酒店buffet嘅格局，門口位置有專人即開生蠔，仲要係無限任食！熱食枱附近 仲有專人即切羊架！ 鮮榨橙汁， 甜品係貴價嘅雪糕，仲有榴槤雪條 ！熱盤方面，選擇十分多，我們點了蟹粥，牛肉火鍋，燉湯，燒牛舌， 燒大蝦……刺身當然唔少得，好新鲜及賣相好靚，值得一題係鵝肝壽司，味道一流必點推介