Video
Read full review
2016-05-20
2018 views
前文提要, 去深水埗搵食要去合益泰食腸粉, 我們的慣性是一次去兩間店: 合益泰食腸粉/新香園堅記食蛋牛治無分前後隨興之所至. 今日先去食腸粉, 再去對面街的新香園食蛋牛治. 食完腸粉出來, 新香園仍有條隊, 睇怕十零分鐘都未入到去, 咁我食得興起想盡快到手, 所以轉而買外賣吧! 我們吃三文治比較喜歡白麵包所以不加$1元吃烘底, 不一會, 蛋牛治到手了, 近兩年吃慣Mr Tang 監製的 fluffy厚鬆白麵包, 忽然覺得今天的一份蛋牛治失色了, 一來 早年的大大份很久以前已成回憶, 而早年的好好味亦是回憶的一部分了, 那種'記憶中的好味道'經常會影響人判斷, 今日揸上手兩人各幾口已吃完, 二來 那份蛋角最強之處其實在於小店拿手的少經人手到你手仍'熱辣辣'~ 味道並不如大家想的那麼神化/出色! ...可會突然想起媽媽家中的煎蛋角其實更令你回味, 只是'隔鄰飯香'常常令大家遺忘最好的其實在家中... 昔日/兼想當年 我們吃之時它只是一間街坊小店但越做越好口碑, 於是早幾年開始經常爆場, 質素有點飄忽了, 有時去唔錯, 有時略煎得乾了, 亦試過叫烘底但餡料一夾埋份多士就韌口,
食完腸粉出來, 新香園仍有條隊, 睇怕十零分鐘都未入到去, 咁我食得興起想盡快到手, 所以轉而買外賣吧!
我們吃三文治比較喜歡白麵包所以不加$1元吃烘底, 不一會, 蛋牛治到手了, 近兩年吃慣Mr Tang 監製的 fluffy厚鬆白麵包, 忽然覺得今天的一份蛋牛治失色了, 一來 早年的大大份很久以前已成回憶, 而早年的好好味亦是回憶的一部分了, 那種'記憶中的好味道'經常會影響人判斷, 今日揸上手兩人各幾口已吃完, 二來 那份蛋角最強之處其實在於小店拿手的少經人手到你手仍'熱辣辣'~ 味道並不如大家想的那麼神化/出色! ...可會突然想起媽媽家中的煎蛋角其實更令你回味, 只是'隔鄰飯香'常常令大家遺忘最好的其實在家中... 昔日/兼想當年 我們吃之時它只是一間街坊小店但越做越好口碑, 於是早幾年開始經常爆場, 質素有點飄忽了, 有時去唔錯, 有時略煎得乾了, 亦試過叫烘底但餡料一夾埋份多士就韌口, 所以'馳名蛋牛治'也是一份平凡的三文治, 推得高也見不得是好事...但我們每次去深水埗, 腳步好自然就去了幫趁, 始終人是有情意結吧!
可幸今天這份三文治始終夠街頭新鮮熱辣, 加了不少分, 牛肉是碎牛, 少許牛肉味是仍有的, 今日這份蛋煎得香口亦沒有煎得乾巴巴所以一場來到深水埗仍是值得用$19元買份來填肚子! 但至於捧它是[傳說中'神之蛋牛治']就會令來捧場的人懷著太高的expectation來吃, 會有反效果. 總評我會俾OK/Good!
如果想吃烘底, 我們會用$29元買份公司三文治吃, 分別在於包烘過, 餡料加了火腿及餐肉, 味道豐富些, 不妨一試! (可惜在手機和電腦找了好一會仍未找到公治及凍鴦那相片, 算了吧~)鋪頭唔細但客太多, 假期去到每張圓枱都攝滿晒人, 最唔好坐是內裡篤篤的廁所門口位所以中堂大枱已經是我的最好選擇, 如果唔係要食麵或飲熱嘢我們會索性買走邊行邊食.
服務方面: 快/靚/正! 面口正常ok嘅~ 何況佢都想快快番枱因為假期實在太多人門口塞住晒, 外賣亦多, 所以好快會幫你搵位落單上枱, 放心交你個人俾佢哋就得喇!
Post
