常嚐食•深燒堂 (Closed)

今日又黎到旺角性價比高又好食嘅嘅串燒鋪幫襯啦。因為對上次老闆嘅用心好深刻，特別帶埋個朋友黎試下其他菜式。深燒花甲粉必點啦，今次嘅花甲一樣禁豐盛！大大隻嘅有食慾，維持倒水準wo。薯粉、娃娃菜、金菇亦好多，煮晒啲湯汁，正！燒一口京蔥豬頸肉串 - 豬頸肉平時見都係一片片，依道係一件件厚切！口感有咬勁。京蔥唔會太青好生，食落好鮮甜。韓式照燒魷魚鬚 - 上次冇食到韓式日式串燒，韓式醬調味好味，辣辣地，魷魚鬚勁好味，生熟岩岩好！日本免治雞肉軟骨棒 - 配搭左一個好橙好靚嘅蛋黃，軟骨好爽脆，配搭嘅燒汁好夾好有特色。時分燒通菜 - 平時食開韭菜，估唔到少鋒菜都好好食，如果唔鍾意食韭菜可以試下通菜，一樣係好選擇。