喜多嬉牡蠣屋 (Closed)

食海鮮嘅朋友仔就要注意啦，特別係鍾意食蠔既🦪「喜多嬉牡蠣屋」，佢係一間生蠔嘅放題店，真係估唔到食蠔都會有放題，我介紹吓個放題套餐有啲咩食啦。⚜️時令海鮮湯海鮮湯超級濃郁，佢用一個玻璃壺裝住，下面用一個小蠟燭一直keep住個溫度，慢慢洗杯細杯咁飲，好鮮甜。⚜️味淋魚干魚乾燒得啱啱好，如果用嚟配搭啤酒一流，做前菜小食相當唔錯。⚜️喜多嬉懷石八品一嚟到見到就已經覺得好靚，藝術品咁，每一款料理都好精緻。個人比較鍾意食燒鰻魚，佢係用炭燒嘅，所以好香口，啲皮燒到脆卜卜，魚肉好彈牙。另外雲丹松葉蟹配蟹醋啫喱，上面仲用咗海膽去點綴，松葉蟹好鮮甜，食落好有口感。⚜️松葉蟹五島手延烏冬蟹肉已經剝好咗，加埋日本手拉烏冬，配搭埋海鮮湯，好味到停唔到。⚜️喜多嬉生蠔終於到今日嘅主打，佢係來自日本北木島既喜多嬉生蠔，隻隻都好大隻，入口好鮮甜，有海水味道。⚜️焗蠔及焗帆立貝除咗可以食新鮮嘅蠔之外，佢仲可以選擇焗蠔，原味同埋蒜蓉嘅味道。另一款任食嘅海鮮就係焗帆立貝，同樣係有原味同埋蒜蓉可以選擇，隻隻都好大隻，好彈牙。⚜️串燒串燒分別有雞心、豬頸肉、雞軟骨、雞腿肉、番薯仔、七里香、茄子。雖然唔係好多款式選擇，但係每樣都做得好出色，鍾