淡淡香檳味帶少少荔枝及香桃甜味。
麵包送上時熱辣辣，焗得香脆。還有兩款自家製醬，一款帶有香草味另一款帶有肉腸味。
生蠔優惠買一送一，服務員推介三款口味由淡到濃嘅生蠔。每隻都肥大鮮甜，帶子位爽甜，入口creamy，蠔味以Gillardeau最重。
帶子新鮮肉厚非常鮮甜，表面海膽泡沫提升帶子鮮甜味。伴碟青蘋果沙律及白酒啫喱酸酸甜甜非常開胃。
龍蝦味濃郁，湯裡龍蝦肉爽甜。
白露旬爽脆清甜，荷蘭醬帶橙味醒胃。黑毛豬火腿經過烤焗鹹香味更出，一清一鹹味道非常夾。
上主菜前送上番石榴雪芭清味蕾，番石榴味濃不過甜好清新。
鵪鶉已起骨，肉質嫩滑，脾位焗至香脆非常香口，內裡啖啖鮮菇黑松露味濃，另外所有伴碟蔬菜非常新鮮。
慕絲幼滑，榛子香朱古力味濃，甜度適中，餅底略嫌不夠脆。因慶祝生日關係甜品寫上生日字句及一張即影即有相十分窩心。
去到尾聲仲有驚喜，送上一杯玫瑰苿莉茶、桂花蝴蝶酥及朱古力，為整個晚餐劃上完美句號。
