Eggy (Closed)

係屯門準備去睇戲，而家戲院又唔比食爆谷，點算好呢？係華都商場一樓，有好多外賣小吃店，見到呢個Eggy吐司超吸引啊！好，睇下有咩好食先。菠蘿炸蝦堡滑蛋，厚厚多士，裡面夾著啱啱炸起大蝦，重點係個滑滑滑蛋，個口要擘大啲先咬得晒，加埋清新菠蘿，感覺好fresh唔油膩。煙鴨胸黑松露滑蛋，一二三，有三大塊厚厚鴨胸，好好味呀！滑蛋上面有點點黑松露，邊食邊浸岀淡淡黑松露香，多士軟綿綿，餡料夠豐富，食落一啲都唔Dry。